Fillon faza e trajnimeve për Re-Debate 5.1

Kanë kaluar pak muaj nga shpallja e fituesve të Re-Debate 5.0 dhe gjithçka ështlë gati për fillimin e edicionit të ri të Kampionati Kombëtar të Debatit.

Muaji dhjetor ka shënuar nisjen e Fazës së trajnimeve për edicionin Re-Debate 5.1.

Këtë të shtunë, 26 Dhjetor,  faza e trajnimeve është zhvilluar me nxënësit e dy shkollave të mesme, ‘Sherif Hoxha’ nga Kopliku dhe ‘Imzot Lucjan Agostini’ nga Vau I Dejës.

Trajnimet kanë vazhduar në dy ditët në vazhdim me nxënësit e 18 shkollave të mesme të qyteteve Shkodër, Pukë, Tropojë, Krumë, Kukës, Burrel, Klos, Rrëshen, Lezhë, Laç, Bulqizë, Shijak, Peshkopi.

Këtë vit Re-Debate ka shtrirje në të gjithë vendin dhe shumë prej shkollave pjesëmarrëse janë për herë të parë pjesë e projektit që këtë vit zhvillohet tërësisht online për shkak të pandemisë nga Covid-19. Kjo për të garantuar sigurinë e nxënësve, mësuesve dhe stafit organizativ.

Faza e trajnimeve do të drejtohet nga dy trajnerët Oltjana Rama dhe Dritan Sakuta deri në përfundim të muajit janar.

Faza e trajnimeve do të vazhdoj rrugëtimin virtual në 45 qytete të tjera të vendit nga ku do të përfshihen 62 shkolla të përzgjedhura nga stafi organizativ i projektit. Reth 1000 nxënës do të kenë mundësi të trajnohen mbi formatin e debatit IDEA dhe mendimin kritk që do të aplikohet në fazën pasardhëse të debateve në rang qyteti.

Pas përfundimit të fazës së trajnimeve çdo shkollë do të pajiset me paketat kërkimore. Të udhëhequr nga mësuesit koordinatorë, nga grupet e çdo shkolle, në 80 shkollat pjesëmarrëse do të përzgjidhen nxënësit e skuadrave përfaqësuese të secilit qytet që do të garojnë në fazën e debatit kombëtar.

Ashtu si edhe edicionin e kaluar, të gjitha shkollat pjesëmarrëse janë pretendente për të qenë pjesë e Finales së Madhe, bazuar në renditjen e pikëve që do të marrin në fazën e Debateve në nivel qyteti.

Shkollat e mesme që do të përfshihen në fazën e trajnimeve në projektin Re-Debate 5.1: