Shtyhet data e event prezantimit të Projektit Re-Debate 4.0 – Rigjallërimi i Kulturës së Debatit
21 Mars, 2018
E Mërkurë 04 Prill 2018 – Prezantimi i Projektit Re-Debate 4.0 – Rigjallërimi i Kulturës së Debatit
29 Mars, 2018
Organizata LIBURNETIK është duke zbatuar projektin “Re-Debate 4.0 Rigjallërimi i Kulturës së Debatit” midis periudhës Shtator 2017 – Qershor 2018 duke zhvilluar ‘Kampionatin e Debatit’ në 14 qytete të cilat përfaqësohen nga 27 shkolla të mesme.
Ky projekt synon të ndihmojë të rinjtë debatues të zhvillojnë aftësi komunikuese, të menduarit kritik, të inkurajojë tolerancën dhe respektin mbi idetë e ndryshme si dhe të promovojë rritjen e interesit tek të rinjtë mbi ngjarjet aktuale.
Për identifikimin e temave të debateve janë testuar tema të ndryshme duke marrë në konsideratë një sërë elementësh që lidhen me interesat e nxënësve, aktualitetin dhe me prioritetet e shoqërisë shqiptare nën spektrin politiko-social e kulturor.
Temat e Kampionatit të Debateve janë:
- Arsimi i lartë, elementi i vetëm i zhvillimit të një rinie të suksesshme;
- Decentralizimi si element i rëndësishëm për zhvillimin e një shoqërie;
- Dëgjesat publike qytetare element demokratik për zhvillimin urbanistik të vendit;
- Tregtia e lirë globale është faktor vendimtar për zhvillimin global;
- Stimulimi i turizmit në vendet në zhvillim: strategji e mirë për daljen nga varfëria;
- A inkurajon interneti demokracinë;
- Simbolet fetare nuk mund të vendosen në mjedise publike;
- Integrimi i Shqipërisë në Bashkimin Europian a është dobiprurës për zhvillimin ekonomik, social e politik të vendit dhe Euroskptecizmi;
- Zhvillimi i konceptit të kujtesës kolektive ka ndikim pozitiv në edukimin e të rinjve të vendit;
- A është nacionalizmi një forcë shtytëse për zhvillim?
Ju ftojmë të na ndiqni në vazhdim në faqen tonë të internetit: www.liburnetik.org/redebate dhe në faqen tonë në Facebook https://www.facebook.com/LiburnEtik/ ku do të transmetojmë live të gjitha debatet.
