Thirrje per te gjithë të Rinjtë e Kamzës: Projekti “Green Futures”

Thirrje për Aplikime: Projekti “Green Futures” 

Projekti “Green Futures” është një iniciativë që do të zbatohet në Bashkinë Kamëz që synon të edukojë dhe ndërgjegjësojë të rinjtë për çështjet mjedisore duke përdorur metoda moderne dhe teknologji të avancuara. Ky projekt është krijuar për të angazhuar të rinjtë në një mënyrë unike dhe interaktive, duke i ndihmuar ata të kuptojnë rëndësinë e mbrojtjes së mjedisit dhe zhvillimit të qëndrueshëm.

Në zemër të “Green Futures” qëndron një qasje gjithëpërfshirëse dhe e shumëanshme ndaj edukimit mjedisor. Projekti kombinon teknologjinë me aktivitetet praktike dhe mësimdhënien e fokusuar në komunitet, duke u siguruar që të rinjtë të përfitojnë një eksperiencë të plotë dhe kuptimplotë.

Çfarë ofron projekti?

 Eksploroni botën përmes teknologjisë VR dhe lojërave edukative! Ndërgjegjësohuni për ndryshimet klimatike dhe impaktin e tyre afatgjatë, duke përdorur teknologjinë për të kuptuar më mirë mjedisin tonë. Lojërat dhe aktivitetet interaktive janë dizajnuar për të bërë mësimin më argëtues dhe të paharrueshëm.

 Merrni pjesë në projekte reale që sjellin ndryshim! Krijoni kopshte të vogla urbane dhe instaloni kontejnerë riciklimi në lagjet tuaja. Ndihmoni komunitetin tuaj të ndërgjegjësohet për menaxhimin e mbetjeve dhe ruajtjen e mjedisit.

Ky është shansi juaj për të bërë një ndryshim real, për të mësuar dhe për t’u argëtuar njëkohësisht!

Nëse je një i ri nga Kamza bëhuni pjesë e ndryshimit pozitiv në komunitetin tuaj! 

 Afati i aplikimeve: 31 Maj 2024

 Për më shumë informacione dhe për të aplikuar, vizitoni: https://forms.microsoft.com/e/CLL08DvvYS

 Projekti “Green Futures”, zbatohet nga organizata LIBURNETIK në partneritet me Bashkinë Sarandë dhe me mbështetjen e Programit Rajonal për Demokracinë Vendore në Ballkanin Perëndimor 2, financuar nga Bashkimi Evropian dhe zbatuar nga UNDP.